الذكاء الاصطناعي سلاحنا الذي قد يغير ملامح وجودناه

كتبت /نورهان صابر محمد سيد

 لم يعد الذكاء الاصطناعي مجرد خيال علمي بنشوفه في الأفلام بل صار واقع بنعيشه في كل لحظة من يومنا يعني لو بصيت على موبايلك أو الأنظمة اللي بتشغل المستشفيات والمصانع هتلاقي إنه بقى التكنولوجيا الأهم في عصرنا هذا وطبعا ده شايل معاه وعود كتير ومخاطر مش هنقدر نتجاهلها ولو ركزنا على الجانب الإيجابي هنلاقي إنه بيحل مشاكل كتير كانت صعبة علينا كبشر وأهم ميزة فيه هي أتمامه للمهام المملة والروتينية وده بيخلينا كبشر نفكر في الإبداع والخطط الأكبر ومش بس كدة ده بيشتغل ٢٤ ساعة من غير تعب ولا محتاج راحة وده غير في مجالات كتير زي خدمة العملاء مثلا كمان الذكاء الاصطناعي دقيق جدا وبيقلل الأخطاء اللي ممكن تطلع مننا كبشر بسبب التعب والسهو وكمان بيقدر يحلل بيانات ضخمة في ثواني قليلة ويطلع لنا نتائج وقرارات مهمة وممكن نعتمد عليه في المهام الخطيرة زي التعامل مع المتفجرات أو الأماكن الملوثة عشان نحمي أرواح الناس بس رغم كل ده التوسع في استخدامه فيه عيوب وتحديات مش سهلة وأول حاجة بتقلقنا هي ضياع الوظائف لأن الآلات ممكن تاخد مكان الناس في الشغل الإداري واليدوي البسيط وكمان الأنظمة دي مهما كانت ذكية هي لسه معندهاش روح ولا عاطفة ولا إبداع بشري حقيقي هي مجرد برامج بتكرر اللي اتعلمته وده بيخليها مش مناسبة للتعامل الإنساني العميق وطبعا تكلفة تطويرها وصيانتها عالية جدا ده غير المشاكل الأخلاقية والأمنية لأنها ممكن تكون متحيزة لو البيانات اللي دخلت لها كانت غلط وممكن تستغل في اختراقات أو تزييف حقائق وفي الآخر الذكاء الاصطناعي ده سلاح ذو حدين ممكن يرفعنا للسماء وممكن يغير شكل حياتنا بشكل يقلق والحل مش إننا نوقفه بل إننا نحكمه بقوانين أخلاقية تضمن إنه يفضل أداة في إيدنا بتخدمنا مش حاجة بتهدد مستقبلنا 

وفي النهاية النصيحة التي يجب أن ندركها جميعاً هي أن القوة الحقيقية ليست في التكنولوجيا نفسها بل في كيفية تحكمنا بها فنحن لا يجب أن نخاف من الذكاء الاصطناعي كبديل لنا بل علينا أن نتعامل معه كمرآة تطورنا وعلينا أن نتمسك بذكائنا الفطري وأخلاقنا التي لا يمكن لأي آلة امتلاكها فالمستقبل لن يكون لمن يمتلك أسرع حاسوب بل لمن يمتلك الحكمة لاستخدام هذا الحاسوب في بناء عالم أكثر إنسانية ورحمة لذا اجعل التكنولوجيا تخدم أحلامك ولا تجعلها تقرر مصيرك وكن أنت دائماً صاحب اللمسة التي تعطي للحياة معناها الحقيقي الذي تعجز كل خوارزميات العالم عن فهمه أو تقليده