رباعيات

للشاعر الفنان: أحمد شوقي سلام

[ 1 ]

عـامِـل بـالأصـل يا بـنـي... حـتـى لـو لـسـه بـادئ

دا الأصـل ريـحـة جـدودك... عـيـشـهـا بـالـمـبـادئ

[ 2 ]

أوعـى مـنـاظـرهـا تـغـرّك... مـتـبـصّـش عـلـيـهـا بـنـظـارة

خـلـيـك مـفـتـّح ومـصـحـصـح... لا تـطـلـع مـنـهـا بـخـسـارة

[ 3 ]

تـاهـوا ولاد الأصـول... وعـجـبـي عـلـيـك يا زَمَـن

نـفـخـت قـوي فـي الـتـافـه... ورَفَـعـت الـلـي مـالـوش ثـمـن

[ 4 ]

يـالـلـي تـهـت فـي دنـيـتـك... وعـشـت عـمـرك مـصـيـعـة

عـمـرك خـلاص انـفـنـى... خـدت إيـه غـيـر مـضـيـعـة؟!

[ 5 ]

فـي نـاس تـخـاف ولا تـخـتـشـي... مـنـاظـرهـا وهـم وخـدّاعـة

عـايـشـيـنـهـا هـيـصـة وشـفـتـشـي... جـدولـهـم مـاشـي بـالـسـاعـة!

[ 6 ]

لا عـرفـت فـيـن الـصـح... ولا حـتـى فـيـن الـغـلـط!

مـبـقـاش مـنـك رجـا... عـقـدك خـلاص انـفـرط!

[ 7 ]

كـلـمـنـي عـن مـصـر يـلا... واحـكـيـلـي وبـاسـتـفـاضـة

مـن وسـط الـعـالـم دا كـلـه... واصـلـة لـلـريـادة!

صيغة بديلة (تنسيق الأسطر الأربعة):

(1)

عامل بالأصل يا بني

حتى لو لسه بادئ

دا الأصل ريحة جدودك

عيشها بالمبادئ

(2)

أوعى مناظرها تغرك

متبصش عليها بنظارة

خليك مفتح ومصحصح

لا تطلع منها بخسارة

(3)

تاهوا ولاد الأصول

وعجبي عليك يا زمن

نفخت قوي في التافه

ورفعت اللي مالوش ثمن

(4)

ياللي تهت في دنيتك

وعشت عمرك مصيعة

عمرك خلاص انفنى

خدت إيه غير مضيعة؟!

(5)

في ناس تخاف ولا تختشي

مناظرها وهم وخداعة

عايشينها هيصة وشفتشي

جدولهم ماشي بالساعة!

(6)

لا عرفت فين الصح

ولا حتى فين الغلط!

مبقاش منك رجا

عقدك خلاص انفرط!

(7)

كلمني عن مصر يلا

واحكيلي وباستفاضة

من وسط العالم دا كله

واصلة للريادة!