حصريا : مصر لا تُدار باللقطات… ولا تدخل الحروب بـ«الصور التذكارية»!!!!!! هااااااااااااااام جدًااااا من «مراهقة التحالفات» إلى حسابات الدولة الثقيلة… لماذا اختارت مصر أن ترى المشهد كاملًا قبل أن تتحرك؟

كتب معالى اللواء سامى محمود دنيا

إنزوت الأضواء وعادت المراهقة السياسية، بعناوين رنانة ((غير واقعية ولن تصبح حقيقية)).. فلماذا؟ وسبب التوقيت؟ وأين مصر كلاكيت تانى مرة؟ أولًا.. وده الأهم: ما هو موقف حرب إيران وصراعات منطقة الشرق الأوسط الآن؟ حرب أميركا وإيران مازالت صراع ((اقتصادي)) من أجل ((جباية أكبر))، وقلنا الخليج مول الحرب والخليج بيدفع وهيدفع طوال الوقت حتى لإنهائها.((كده باختصار عشان منفضلش نجري وراء أخبار)) إسرائيل: قلنا نتنياهو/إسرائيل عامة طبيعي مش هتتنازل بسهولة عن كل مكاسبها من أراضي سوريا ((مجانًا))، وأراضي غزة والضفة الغربية ((اللي شغالين ياكلوا فيها طوال الوقت)).ولا أراضي لبنان ((اللي سلمها ليهم ببلاش حزب الله))، الموالي لإيران، في مغامرة ليس لها أي معنى أو دعم لإيران من قريب أو بعيد، ولكن كانت سبب لاحتلال لبنان على طبق من ذهب.((برضوا مش هنفضل نجري وراء أخبار فرعية)) وفقط نشوف النتائج النهائية خطوة بخطوة على الأرض. السودان: مازال الجيش السوداني بياخد خطوات إيجابية وندعمها. لكن برضوا، كخلفية تاريخية، السودان في حروب طول عمره منذ الانفصال عن مصر 1956م وحتى الآن. فبلاش تفضل تفكر وتقول: ((إمتى تنتهي الحرب؟)) دول وسط وجنوب أفريقيا كلها قائمة على القبلية والتناحر. إذًا اللي نفكر فيه بس: تستقر محافظات/ولايات السودان المستقرة بنسبة 80% من إجمالي مساحته. والإعمار والخدمات بتعود إليها بقوة. والأهم: عودة ملايين السودانيين وجنوب السودانيين لبلادهم ويغادروا مصر، ونكمل معركتنا الكبرى بالجنوب، اللي شغالة حاليًا ((المرحلة الثانية ليها)) بأقصى وتيرة. وبإذن الله هيتم الإعلان عن نقاط منها قريبًا. يعني الموضوع مش ((دهابة)) بس، لا.. موضوع كبير جدًا ومستمر.. وهيستمر. ليبيا: نقدر نقول: جبهة ثابتة مؤمنة بشكل كويس ومستقرة. وتعاون ممتاز جدًا جدًا جدًا. اليمن: لعبة وشغالة ولسه سنين هتفضل مستمرة، وهي هي نسخة طبق الأصل من لعبة الخمسينات والستينات الفرق الوحيد: ((غلطة تورط مصر خارجيًا)) مش هتتكرر تاني….وكانت رأس الحربة ضد مصر وأكبر داعم، بالاتفاق مع أميركا وإسرائيل، ((السعودية)) لضرب مصر في نكسة 1967م، لإزاحة نظام عبد الناصر الذي يهدد الأنظمة الملكية في السعودية. ده معلن وموثق وثابت.((فبلاش تسأل فين مصر وليه محاربتش في اليمن مع السعودية سابقًا وليه مش في تحالفات دلوقت؟)) ع عايزين وضووووح أكتر من كده؟؟؟ ليه مصر من أيام دخلت في تحالف بحري يضم عدد 14 دولة بقيادة السعودية؟ وليه مدخلتش الاتفاقية الدفاعية ((مكة)) مع السعودية وباكستان وتركيا؟ لأن عيب جدًا ((مصر دولة كبيرة ليها قيمتها)). مش هنضحك على بعض وتقعد مصر ((المحترمة)) بثقلها السياسي، ولو بمليارات الدولارات، توقع على ((هوا)) ويسلموا ويتبادلوا الصور التذكارية. أولًا: مفيش حاجة اسمها حلف عسكري أو تحالف عسكري من أي نوع ((دون تحديد عدو مشترك)). لا دفاعي ولا هجومي ولا بتنجاني. حلف الناتو ((ضد روسيا))، وحلف وارسو ((كان ضد أميركا وحلفائها)). وكل الأحلاف العسكرية الأميركية حول العالم محدد العدو بوضوح. تحالفين عسكريين في آسيا ضد الصين. وتحالف عسكري مع أستراليا وكوريا الجنوبية واليابان ((ضد كوريا الشمالية)). فبلاش مراهقة سياسية ولقطتين كاميرا وقمة ونسميها ((مكة)) عشان تكون واضحة ((سنة)). لأن كده رسميًا بتنفذ بكل مراهقة ((أو بتأكد بكل وضوح)) إنك وراء فكرة الصهيونية العالمية لإشعال حرب بين ((السنة والشيعة)). إشارات ((فجة)) تنقص ولا تضيف، ومحاولة عودة للأضواء والظهور كقيادة للمنطقة.. لم ولن تحدث. وإيران ردت فورًا ((بتصريحات)) وممكن كمان نشوف رد بشوية ((مسيرات/صواريخ)) ونتفرج ياترى التحالف الدفاعي هيعمل إيه؟ خلينا نحط المسمى في إطاره الصحيح: شوية مليارات هتتدفع/دفعت، وجبت رئيس وزراء باكستان ورئيس تركيا ((في لقطة جميلة)) واسم وعناوين كبيرة: ردع. وأي اعتداء على أي دولة يعتبر اعتداء على الدول الثلاثة. وتفاصيل طبعًا مازالت ((وستظل مبهمة)).(((لإن مفيش تفاصيل من الأساس))) أبسط سؤال: من كام شهر كان في حرب بين الهند وباكستان، وكل سنة أو كام سنة بتتكرر فهل أردوغان هيحارب الهند من أجل التحالف مع باكستان؟ أم هل جيش السعودية ((الجرار)) هيحارب مع باكستان ضد الهند؟ (((متهيألي كده الإجابة واضحة والمراهقة السياسية أيضًا واضحة جدًا))) والحقيقة الرد الإيراني كان (((مهين))) لأقصى درجة: بالبلدي قالوا ((ودي تصريحات من مسؤولي الأمن القومي الإيراني)) يعني تصريحات رسمية:«أمريكا معرفتش تحميكم.. مش هتبطلوا تدوروا طول الوقت على حد يحميكم.» وكفاية وغيروا سياساتكم البالية:((الدفع من أجل الحماية)) والدفع من أجل إشعال الحروب وتمويل كل المخططات القذرة بالمنطقة. للأسف حب ظهور ومراهقة تؤدي للخسارة وليس لأي مكاسب.((والمصيبة الأكبر)) هتكون مع أي استهدافات من الحوثيين أو إيران، ونشاهد عدم تفعيل أي شيء. طيب وليه دخلت البحرية المصرية في تحالف مع عدد 14 دولة تحت قيادة السعودية؟ ده تحالف يخص حماية الملاحة البحرية في البحر الأحمر وباب المندب. ومش البحرية المصرية ((قطعتين من البحرية))، ودول أساسًا تمركزات عملهم نفس المكان بنفس المهام. وخير وبركة أما تشترك 14 دولة يكون في عدد قطع بحرية كبير يأمن الملاحة الدولية ويدي أمان لشركات الشحن.((وده يفيد قناة السويس)) وبالبلدي كده: ضد القراصنة.. واعتراض أي قذائف أو مسيرات أو صواريخ تستهدف النقل البحري. ويوجد نص واضح من مصر إنها لن تشترك ضمن أي تحالف في الرد أو الاعتداء على أي دولة. ((يعني مش داخلين هنضرب بالنيابة عن السعودية)) في اليمن أو الحوثيين. وهما هيموتوا ومصر تنزلق في أي صراع وتتدمر، زي ما عمرو أفندي ((بوق الإعلام السعودي)) ماطلع يصرخ ويولول هو وأخوه عماد من الإمارات على هجوم مسيرة ((دمياط)) زي قنوات السعودية ((الحدث/العربية)). وزي قناة الإمارات ((سكاي نيوز عربية)). وزي قناة قطر ((الجزيرة)). إن لازم ولابد وحالًا نضرب (((إيران))). رغم إن إيران ((نفت)) والحوثيين ((نفوا))….لكن برضوا فضلت قنوات الخليج بالكامل وعمرو وعماد وكل أذنابهم يحلفوا إنها إيران ولازم الجيش المصري:((يحارب.. يعني لازم يحارب)) مصر لن تنزلق في أي صراع يدمرها ويدمر جيشها ويضيع الدولة والشعب. عندنا مشاكل داخلية كتيرة وكبيرة، وغلاء وتضخم، ومليون ضغط بيتم علينا من كل مؤسسات الصهيونية العالمية، بنك الماسون وصندوق الماسون الدولي وكل أذنابهم. وضغط هائل إضافي تقوده كالمعتاد ((بكل قذارة)) المراهقة السياسية من الخليج وكل دول الخليج عدا سلطنة عمان. يعني حرب معلنة من الأعداء الطبيعيين وجهًا لوجه. وحرب أقذر مما تتخيلوا: خسة وغدر وخناجر في الظهر من التابعين وفاقدي السيادة منذ اتفاقية سايكس بيكو. (((وده هيفضل طول العمر))) للاسف. وأصبروا.. هتشوفوا حاجات رائعة ((عمليًا على الأرض)). ماهو قليل الأدب كل ما يقب لازم قلمين يرجعوه مكانه الطبيعي تاني. ووالله وسط كل ده هيكملوا ((دفع)) وهيدفعوا حصتنا ضمن الحصص المدفوعة في المنطقة….وبيدفعوا بالفعل ((مش لسه يعني)). حتة صغنطوطة كده على جنب.. وزير الدفاع المصري كان في زيارة كبيرة لتركيا، وفي تعاون كبير جدًا مع تركيا.. إيه ده؟؟ الدول/الجيوش الكبيرة كده….عارفين لما بنتعاقد مع شركة مرسيدس في ألمانيا تفتح مصنع في مصر، وشركات صينية وفرنسية وكورية وهندية وغيرها يفتحوا مصانع إنتاج سيارات وأجهزة كهربائية ومعدات وغيرها؟ طيب مع فرنسا في صناعات ونقل تكنولوجيا تخص أجزاء من الطائرة الرافال أو مدمرات الجويند كاملة، أو فرقاطات إيطالية أو ألمانية، أو خطوط صناعة الطائرات المقاتلة الخفيفة الإيطالية، أو المقاتلة الكورية الجنوبية، أو المدفع الأحدث عالميًا ذاتي الحركة الكوري؟ مصر بتتعاقد على خطوط إنتاج ((كمية))….يعني ببساطة: تركيا شاطرة في البريقدار المسيرة وشوية صناعات تاني. ((ننقل تكنولوجيا وناخد خطوط إنتاج)) وغيرها وغيرها. المسيرات/الصواريخ بأنواعها أصبحت هي الأسلحة الرئيسية الآن في الحروب الحديثة، وليس الدبابة والطائرات التقليدية وغيرها من الأسلحة المعتادة ((والتي أيضًا لا يمكن الاستغناء عنها)). وأما تحب مصر تملك بيقين من الله ((بتملك)) أعداد وإمكانيات ((هائلة ومتطورة جدًا)). لأننا في لمح البصر نحول خطوط إنتاج ((هائلة وشاسعة وضخمة الإنتاج ومجهزة على أحدث مستوى)) من حلل وسخانات وبوتاجازات وثلاجات وغيرها كثيرًا جدًا جدًا جدًا جدًا إلى خطوط إنتاج:((مرعبة حرفيًا)) مش نروح نتصور وندفع مليارات عشان ((الصورة تطلع حلوة)) ونقول: تعالوا والنبى هاتوا شوية حاجات تحميني، وادوني شوية أسلحة واتدخلوا مع إيران ((خفضوا المبلغ اللي عايزاه مني.. وليكم سمسرتكم)) محفوظة يعني عشان إحنا مش ملاحقين على ترامب ولا إيران ولا فرنسا وبريطانيا وإيطاليا.((كلهم بينهشوا فينا)) ومش عارفين هنجيب منين. ولو الحرب وقفت..((شعبنا)) هيقول: فين فلوسنا؟ وليه كل مشاريع التنمية وقفت بشكل ((كامل))؟ ده كل اللي اضرب علينا كام صاروخ وكام طيارة.((فين تريليونات الدولارات راحت فين؟)) زي ما المعارضة بتاعتهم في الخارج فاضحاهم وماسحة بيهم البلاط. كده الصورة كلها بوضوح وصراحة زي الشمس. تابعوا في هدوووووء، ومتـفصلوش الداخل عن الخارج. كله بيدور في نفس الحرب ((المقصودة)) لكن للأسف، لو أداء الحكومة أفضل اتجاه المواطن، والتصريحات يكون فيها ريحة العقل وغير مستفزة، كان هيفرق معانا كلنا كمصريين كتير وكتير جدًا جدًا جدًا كمان.

تعليقى الختامى: الدول الكبيرة لا تقيس قوتها بعدد الصور التي تلتقطها، ولا بعدد القمم التي تعقدها، ولا بعدد البيانات الرنانة التي تصدرها… وإنما بقدرتها على اختيار المعركة، وتحديد التوقيت، وحساب الثمن، ومعرفة متى تقول نعم ومتى تقول: لا. مصر تحديدًا لا تملك رفاهية أن تُستدرج إلى حرب ليست حربها، ولا أن تُدفع إلى صراع إقليمي لمجرد إرضاء طرف أو مجاراة عنوان إعلامي. الجيش المصري ليس ورقة في لعبة أحد، والسياسة المصرية لا ينبغي أن تُدار بمنطق الانفعال أو المزايدات أو اللقطات التذكارية. القوة الحقيقية ليست أن تدخل كل معركة… بل أن تجعل الآخرين يعرفون أنك قادر على دخولها، ثم تختار أنت متى وكيف ولماذا تدخلها. أما الاقتصاد، والصناعة، ونقل التكنولوجيا، وتأمين الحدود، وحماية الملاحة، وبناء القدرة الذاتية… فهذه هي الحروب الحقيقية التي تُحسم بها مكانة الدول لعشرات السنين.

مصر لا تحتاج إلى صخبٍ كي تثبت وجودها… فثقلها معروف، وموقعها معروف، وجيشها معروف، وتاريخها لا يحتاج إلى شهادة من أحد….. حفظ الله مصر وشعبها، وحفظ جيشها، وأبقى قرارها الوطني مستقلًا، وجعل السلام قوةً، والقوةَ ردعًا، والعقلَ قائدًا لكل خطوة. بكرر حفظ الله مصر، قيادةً وشعبًا وجيشًا، وجعلها دائمًا واحةً للأمن والاستقرار، ومساندة الضعفاء عامة والاشقاء خاصة …. …ووفق أبناءها إلى كل خير…..وحفظ الله الزعيم السيسي البطل قولوا آمين تحيا مصر تحيا مصر تحيا مصر، وحفظ شعوب المنطقة من ويلات الفوضى والصراعات. والحمد لله رب العالمين… واذكروا الله كثيرا لعلكم تفلحون