مبروك عليك ... أنت كبرت لكن ... فيه فرق كبير بين انك كبرت... وانك رشدت.

-

 

كتبت / وليد البرماوى

كبرت يعني بطاقتك بقت 21 سنة وتقدر تمضي.


رشدت يعني بقيت تعرف امتى ما تمضيش.


كلنا كبرنا غصب عننا. بس مش كلنا رشدنا. والفرق ده تمنه غالي اوي.


[  الرشد مش بالعمر، الرشد بالحسبة]


العيل الصغير لما تعيط، بيدوك مصاصة.


احنا لما كبرنا، بقينا لما نتعصب... بنشتري حاجات اونلاين  نشرب شيشة ... إلخ 


ده مش رشد. ده طفل بس معاه فيزا... وبتقعد عالقهوة  .


الرشد هو انك تفهم المعادلة دي:


مش كل حاجة نفسك فيها، تنفعك.


نفسك ترد الشتيمة ب شتيمة؟ ينفع، بس هتخسر.


نفسك تسيب الشغل عشان مديرك رخم؟ ينفع، بس هتفلس.


الرشد هو الزرار اللي بين "انا عايز ايه دلوقتي" و "انا محتاج ايه بعدين".


  - علامات انك رشدت - اختبار سريع]


بطلت تبرر:


زمان كنت بتتأخر وتقول اصل المواصلات، اصل المنبه. دلوقتي بتقول "انا اتأخرت، حقك عليا". الراشد مبيألفش قصص، بيتحمل النتيجة.


بطلت تستنى حد ينقذك:


الرشد هو لما تفهم ان مفيش سوبر مان جاي. مفيش حد هيصلحلك حياتك، ولا شغلك، ولا علاقاتك. انت السوبر مان بتاع نفسك، حتى لو لابس شبشب وجلابية .


بقيت تعرف تقول "لأ" من غير ما تحس بالذنب:


دي اغلى واحدة. لما تقدر تقول لأ لخروجة هتبوظ ميزانيتك، لأ لشغل هيستنزفك، لأ لعلاقة بتاخد اكتر ما بتدي. كلمة "لأ" هي ختم الرشد.


لو عندك 2 من 3... مبروك انت رشدت.


- قيمة الرشد الحقيقية 


قيمة الرشد انه بيخليك غني وانت معكش فلوس.


ازاي؟


الراشد مبيشتريش عشان يبهر الناس.  علشان كده لا يغرق في ديونه .


الراشد مبيخشش خناقة خسرانة مش بس عشان كرامته. هو لا يخسر طاقته  هباء بدون داعي .


الراشد مبيصدقش اي حاجة بتلمع. مش سهل  يتنصب عليه.


في التداول، في البيزنس، في الجواز... اللي بيرشد هو اللي بيكمل.


 الشاطر ممكن يكون بيجري بسرعة ..،  لكن الراشد بيوصل بتأني وثقة .


شوف يا عزبزي / تي 


النضج مش انك تبطل تغلط. ... كلنا بنغلط ده طبع خلقة البني آدم .


النضج انك تغلط نفس الغلطة... بس بسرعة اقل، وخسارة اقل، وتتعلم اسرع.


فـ متسألش نفسك "انا كبرت ولا لسه؟"


اسأل نفسك: "انا النهاردة باخد قرارات ترضي مين؟ العيل اللي جوايا ولا الراجل اللي نفسي ابقاه؟"


اسأل نفسك النهاردة: ايه اكتر قرار حسيت فيه انك رشدت بجد؟ حتى لو كان قرار يوجع؟






تعليقات

إرسال تعليق

المشاركات الشائعة من هذه المدونة

كيف يُعاد صياغة الوعي بالهوية المصرية بمدارس اليونسكو؟

-
صورة
كتبت /فاطمة القصاص تعد المدارس المنتسبه لليونسكو بالإسكندرية ريادة تعليمية تبني المواطنة العالمية وتحمي الهوية المصريةتُمثل شبكة المدارس المنتسبة لمنظمة اليونسكو (ASPnet) نموذجاً تعليمياً مغايراً يتجاوز التلقين النظري التقليدي إلى آفاق التطبيق المعرفي المستدام. وفي قلب مصر، وتحديداً في محافظة الإسكندرية عبر صروح مميزة مثل مدرسة بدر ثروت الخاصة للبنات ومدرسة بدر جليم ، تتجسد هذه الفلسفة التربوية كأداة قوية لربط الأجيال الجديدة بهويتها المصرية الأصيلة واعتزازها بتراثها الحضاري. إن هذا النموذج لا يقدم مجرد مناهج دراسية صامتة، بل يحول المؤسسة التعليمية إلى مختبر حي لبناء الإنسان، وحماية التراث، وإثراء الثقافة العالمية، مما يجعله مطلباً ملحاً للتعميم في المنظومة التعليمية بأكملها لضمان مستقبل مستدام.  *من رؤية استراتيجية مبرمجة إلي القيادة والتنفيذ الأكاديمي* هذا التميز التربوي الفريد لم يكن وليد الصدفة، بل جاء نتاج استراتيجية علمية وممنهجة تمت صياغتها برؤية ثاقبة من قِبل قامات أكاديمية رفيعة المستوى؛ ذو خبره اكاديميه شاركو في صياغة الخطط التنفيذية هم أستاذ دكتور عاصم العشماوي عميد شؤو...
قراءة المزيد

المهندس مصطفى ناجي... الشجاعة في مواجهة التطرف وخدمة الناس

-
صورة
كتب /م. أحمد مختار في قريتنا الحبيبة قلبا، لم يكن الأثر دائمًا مرتبطًا بمنصب كبير أو وظيفة مرموقة؛ فهناك رجال عاشوا بين الناس، وخدموا مجتمعهم، وشاركوا في العمل العام، وتركوا مواقف تستحق أن تحفظها الذاكرة. ومن هؤلاء الرجال المهندس مصطفى ناجي أحمد، رحمه الله، أحد أبناء قلبا الذين جمعوا بين الثقافة والعمل وخدمة الناس، وكان له حضور في الحياة العامة والسياسية والمحلية، إلى جانب موقفه الوطني والفكري في واحدة من أصعب الفترات التي مر بها صعيد مصر. وُلد المهندس مصطفى ناجي عام 1955، ونشأ في قلبا، وتخرج في الإرشاد والتعاون عام 1986، ثم عمل في قطاع الصحة، وتدرج في العمل الوظيفي حتى أصبح مديرًا عامًا لإحدى الإدارات بقطاع الصحة. ولم تكن حياته محصورة في الوظيفة؛ فقد كان عضوًا في منظمة الاتحاد العربي الاشتراكي، وعضوًا في مجلس محلي المركز لعدة دورات متتالية، كما شارك في العمل الحزبي على مستوى المركز، وكان قريبًا من قضايا الناس ومشكلاتهم. وفي عام 1992، خاض تجربة سياسية مهمة عندما ترشح لانتخابات مجلس الشورى في مواجهة الأستاذ عبد العال الجارحي، ثم تنازل له عن الترشح، في موقف يعكس جانبًا من شخصيته وحضوره ف...
قراءة المزيد

الذكاء الاصطناعي من خيال الروايات إلى "فأس" السيادة الرقمية

-
صورة
كتب/أسامة ضاحى البنا لم يعد الذكاء الاصطناعي مجرد آلات صماء أو ضرباً من الخيال، بل تحول إلى أنظمة ذكية تحاكي العمليات الذهنية البشرية من تفكير واستنتاج وتحليل للغات والصور، حتى بات تحدياً حقيقياً للقدرة البشرية وجزءاً لا يتجزأ من حياتنا اليومية. وتشير الإحصائيات إلى أن ما بين 150 و180 مليون فرد يعتمدون يومياً على تقنياته في شتى المجالات، حيث تغلغل في صلب الصناعات التحويلية والتعليمية والطبية، وأصبح ركيزة أساسية في تحسين الإنتاجية وكفاءة اتخاذ القرار، ومظلة استراتيجية لمواجهة الأزمات والكوارث العالمية. ومع هذا التطور الاستثنائي، نجد أنفسنا أمام سلاح ذو حدين؛ فبرغم العوائد الإيجابية، تبرز مخاطر جسيمة تهدد البشرية، بدءاً من "التزييف العميق" والمعلومات المضللة، مروراً بالتلاعب بالصور وتشويه السمعة، وصولاً إلى استهلاك الطاقة الهائل وتأثيره على معدلات البطالة والقدرات الذهنية. لذا، باتت الحوكمة الصارمة ووضع القوانين المنظمة ضرورة حتمية لضمان سلامة هذا المسار التكنولوجي المعقد. إن تعلم هذه العلوم لم يعد خياراً سهلاً، بل هو ضرورة فرضها التقدم العلمي؛ فمثلما كان تعلم الحاسب الآلي قديم...
قراءة المزيد